ప్రజానావ ఉమ్మడి మహబూబ్ నగర్ బ్యూరో: స్థానిక శ్రీ వివేకానంద విద్యా నికేతన్ పాఠశాలలో ప్రొఫెసర్ జయశంకర్ జయంతి ఉత్సవాలు, స్కూల్ లీడర్ ఎన్నికలు అత్యంత ఉత్సాహపూరిత వాతావరణంలో జరిగాయి. పాఠశాల చైర్మన్ జి. శ్యామ్ సుందరాచారి, కరస్పాండెంట్ జి. ప్రియాంక, ప్రిన్సిపల్ వై. మల్లేష్ ముఖ్య అతిథులుగా హాజరై, జయశంకర్ గారి చిత్రపటానికి పూలమాలలు వేసి నివాళులర్పించారు. విద్యార్థులు ఆయన ఆశయాలను ఆదర్శంగా తీసుకోవాలని కోరారు. అనంతరం నిర్వహించిన ప్రజాస్వామ్యబద్ధమైన ఎన్నికల్లో ఐదో తరగతి విద్యార్థిని జి. నక్షత్ర 12 ఓట్ల మెజారిటీతో స్కూల్ ఫస్ట్ లీడర్గా, అదే తరగతికి చెందిన గోవర్ధన్ సెకండ్ లీడర్గా ఎన్నికయ్యారు. విజేతలకు యాజమాన్యం, ఉపాధ్యాయులు అభినందనలు తెలిపారు.
